新年快樂！祝大家身體健康！萬事如意！💕
本想新年靜靜地過，但早上收到朋友message，臨時決定一齊午餐，但屋企有的食材種類唔多，加上準備時間有限，所以... 唯有蒸冬菇肉餅、蒸蛋、蒜蓉炒菜、忌廉蘑菇煮雞、韮菜餅和白飯，11人食，總算大家都食得飽和開心🤗
之前分享過，我人生只炒過2次菜左右，對上一次都有10年8載，當時大家的comment大致表示“好爆”😆新年咁開心，想“熱鬧"點，我自爆多少少嘢😁蒸肉餅這樣餸同炒菜一樣，可以當我未煮過，蒸蛋好一點，上年食過朋友蒸的蛋，我偷師後，平均一個月都會蒸一次。至於看似平常的白飯，在我們家是不平常的，大概3年前，我們家才有第一個電飯煲出現，出現之前，大概一個月會食2-3餐用煲煮的飯，自從電飯煲出現後，就算煮飯都會加蔬菜和肉同煮，一煲過攪掂，所以“白飯"基本上不會出現😁
自從半年前，我將我印象中的炒菜方法傳授畀洛先生後，我更加唔再炒菜，今次洛先生人生第二次炒菜，我覺得唔錯👍但炒的時候，洛先生話少咗粒蒜頭，懷疑我攞咗去... 我先發現佢有數住用幾多粒😳我當然冇攞咗去，因為我煮的餸都冇用蒜頭，後來發現粒蒜頭去了蒸蛋和肉餅個鑊到，原因不明🤷🏻♀️
朋友們都冇食過這些中菜，所以“新鮮"搭救🤭
今年都有蒸年糕，Mimi有幫手😘過去幾個星期，我特別勞累，可說是日曬雨淋，所以我都沒有太多精神整賀年食品（加上又懶）😅但Mimi Momo大過了，要有更好的節日感，明年媽媽會勤力一點💪💪💪
Btw，一直想買全盒，但買了8年都未買到... 下次返香港，我真的要買🤞
Search